منتديات انوار النجف الاشرف العامة

منتديات عامة

بسم الله الرحمن الرحيم والصلاة والسلام على خاتم الانبياء والمرسلين ابي القاسم محمد .... منتديات انوار النجف الاشرف العامة ترحب بكم اجمل ترحيب وتتمنى لكم قضاء اسعد الاوقات واحلاها ........... ادارة المنتدى

    يبويه مَرعليَّه

    شاطر

    خالد محمد مهدي الحجار

    عدد المساهمات : 4
    تاريخ التسجيل : 03/01/2015
    العمر : 56

    يبويه مَرعليَّه

    مُساهمة  خالد محمد مهدي الحجار في الأحد يناير 04, 2015 11:11 pm


    ((يبويه مُر عليَّه))
    ************
    مُر عليَّه بويه وينك مُر عليَّه
    وحّدي أبقه غريبه بهل المسيَّه
    الزمن غيَّر الحال
    بعد لاعز ودلال
    **********
    آنه جنت كّبال عينك آمر وأنهه وأطاع
    مدلله بجالك وخوتي شما أريدن يجي بساع
    اليوم شاهد حالي بعدك صرت يابويه بضياع
    حسين هذا دامي نحره شمصعبه اليوم الوداع
    سهم المثلث بكَلبه بي رماني
    حته دمع عيوني بعده ظل يعاني
    ليل حزني عليَّه طال
    الزمن غيَّر الحال
    بعد لاعز ودلال
    **********
    حجايه من نظرة عيوني وكَبل ماينطق ألساني
    يمّي يتحضَّر شريدن بلآيه كلفه ولا أعاني
    جفوف نخوه وغيره تحضر كبالي توكّف هذا آني
    آمري يختي يزينب تالي مرمرني زماني
    صبري صار دموعه جرح // يبجي وينوح
    أهنا أعاين جسد دامي // وجسد مذبوح
    مشابكَه بدمهه الرمال
    الزمن غيَّر الحال
    بعد لاعز ودلال
    **********
    الزمن خان بحياتي خطف من عيني فجرهه
    نهاري ليل أسود أعيشه والحرم حاير خدرهه
    وبدخان الخيم لاذت وتشبك النار السترهه
    الوسعه مالمَّت خدرهن وشاحهه دمعة صبرهه
    خامس العتره جفيته // غاب ظامي
    ياأمل يبقالي بعده // ولاخيامي
    الصار واقع مو خيال
    الزمن غيَّر الحال
    بعد لاعز ودلال
    **********
    حركّه بيَّه ونار تسعر ياعلي بكَلبي متبرد
    خذوا دمع الفرح منّي بقه دمع الحزن عالخد
    الظيم خاواني بجفاهم عليَّه كل لحظه أيتجدد
    الاكبر وجاسم سبوني وصحبه ماظل منهم أحّد
    راحت أبطال الحميَّه // بلآيه رجعه
    حتَّه طفل حسين مرمي // شلون فجعه
    عله متوني الهم جبال
    الزمن غيَّر الحال
    بعد لاعز ودلال
    **********
    فراك عباس المردني بعد ياجف ألأدَورَه
    لايمينه ولايساره وينه عن ظيمي أخَبرَه
    من بعد عينه سبيَّه عفته شابك جرف نهره
    الوعدني كّبال عينك عذره يابويه وأعذره
    بالعمد راسه تهشَّم // طفوا عينه
    عله جفوفه النهر يبجي // من يعينه
    من يجاوب هل السؤال
    الزمن غيَّر الحال
    بعد لاعز ودلال
    **********


      الوقت/التاريخ الآن هو الإثنين أبريل 24, 2017 6:53 pm